Er nakað skemtiligt í at missa pápa sín? Sjálvandi er tað ikki tað - men Simon Talbot dugir at venda sjálvt tí truplasta í lívinum til nakað skemtiligt. Í nýggja skemti sínum EKSTRA EXTRA verða áhoyrararnir tiknir við á ferð gjøgnum tey smáu og stóru stríðini í lívinum: frá viðgerð fyri barnloysi og faðirskap til at missa pápan – og tað er við fullari ferð og allatíðina við einum skálkabrosi.

Skemtið er sniðfundiga blandað saman av tí persónliga og tí merkisverda: fjálgum, ærligum søgum, løgnum eygleiðingum, garrvillum anekdotum - umframt eyðkenda kropsskemtinum, konfettikanónunum og orkuni á pallinum.
 

Í Danmark hava nógvar útseldar sýningar verið av EKSTRA EXTRA og hava áhoyrararnir standandi fagnað sýningini við lógvabrestum. Ummælarar hava skírt skemtisýningina at vera serstakliga stuttliga og rørandi.
 

Nú hava áhoyrararnir í Norðurlandahúsinum høvið at uppliva ein av sjónskastu skemtarunum í Danmark í toppformi.
 

Talbot hevur altjóða royndir við eitt nú at hita upp fyri Russell Howard í USA, umframt at hann við EKSTRA EXTRA samstarvar við so dugnalig fólk sum Heinrich Christensen, instruktør, og Benjamin la Cour, pallsmið.

Um Simon Talbot
Simon Talbot hevur hesi seinastu góðu 15 árini staðfest seg sum eyðkendasti skemtarin í Danmark. Talbot hevur mangan verið róstur til skíggja og hevur hann nógvar fjepparar. Nú borgar navnið Talbot fyri skemti á høgum stigi. Hann skarar framúr við sínum markleysa einmansskemti, kreativu sketsjum og mongu løtunum í sjónvarpi, har hann við sínum humor er vorðin serstakliga væl dámdur av hyggjarum.

Ummælarar hava m.a. skrivað hetta um sýningina: 

“Ekstra Extra er Simon Talbot classic med guldglitter, konfetti og fyrværkeri drysset på toppen... hvor hans flamboyante kombination af bling-bling og hormonsprøjter går op i en højere og særdeles latterfremkaldende enhed.”
★★★★★ Iscene

”Simon Talbot shiner i bogstaveligste forstand og giver sine kollegaer i branchen kamp til stregen....”
★★★★★ Kulturtid